يا أمي غلفت الكلام بالورد

شو مشتهي ارجع شي طفل صغير
واتمردغ بحضنك الدافي يا أمّي

وشيل عن كتافي حمل الغربة الكبير
وتغمرني ايديكِ بضمِّة بعد ضمِّةِ

واتغلغل بصدرك متل شي عصفور صغير
ومن عطفك وحنانك اتنعَّم بنسمةِ

عيونك يا أمِّي بهل دني نواضير
قشعولي همِّي من قبل ما اعقد عالسفر همِّةِ

أخدتني الغربة وبعَّدتني كتير
وشاب الشعر يا امِّي واختلفت الرسمةِ

وعَ وجِّهيِّ بان كتر الهم ّْ والتفكير
والدهر ترك للشقى ع جبهتي بصمةِ

والغربة من كاسها المرّْ شرَّبتني كتير
الغربة متل جلاد يا أمِّي بيضرب بلا رحمةِ

يا أمِّي دخيلك لاتحزني ولاتبكي كتير
واستبدلي الدمعة من اليوم بالبسمةِ

راجع أنا ع حضن الوطن الكبير
شمشم ترابو شمِّــــة بعد شمِّـــــةِ

تراب الوطن غالي يا أمِّي كتير
وان استدعى الأمر بفديه أنا بدمِّي

راجع أنا متل شي طفل بعدو صغير
مشتاق للبَوسةِ ع خدي من بعد ضمِّة

وبدعي لرب السَّما يمدِّلي بعمرها كتير
ويحفظلي أمِّي ويديمها عليِّ من السما نعمةِ

أخدتني الغربة وبعَّدتني كتير
وشاب الشعر يا امِّي واختلفت الرسمةِ
يا أمي غلفت الكلام بالورد Tealscrollroses

آه يا حباب انتا
شكرا على هذا الموضوع الرائع

هلا بيك اخي ابوسعيد
اشكرك من القلب على المرور
والمتابعة المميزة والردود الراقية
تقبل اعطر التحية يا غالي

هلا اخي مسعود
اشكرك من القلب على المرور
والمتابعة المميزة والردود الراقية
تقبل اعطر التحية يا غالي

مشاركة راااائعه
لامست فوجا من الأحاسيس
ورسمت صورة من الوجع المختبئ
هي الأم وليس لسواها نحس
وااصل

موضوعك في غاية الروعة والجمال

نهديها الى كل أمهات العالم الاسلامي

اااااااااااااه يا امي

موضوع غاية في الروعة
سلمت يمناك
أغدق علينا بمشاركاتك

راجع أنا متل شي طفل بعدو صغير
مشتاق للبَوسةِ ع خدي من بعد ضمِّة

وبدعي لرب السَّما يمدِّلي بعمرها كتير
ويحفظلي أمِّي ويديمها عليِّ من السما نعمةِ

بوركت يمناك