مارى كورى Marie Curie اسمها الاصلى قبل الجواز
ماريا سكلودوفسكا Maria Skłodowska (
وارسو ،
بولاندا دلوقتى ،
7 نوفمبر 1867 - باسى ،
فرنسا ،
4 يوليه 1934 ) عالمة فيزيا
بولنديه عاشت فى
فرنسا ، اكتشفت مع جوزها
بيير كورى فى
باريس سنة
1898 عنصرين
البولونيوم و
الراديوم.
مارى كورى اول ست تاخد دبلوم الفيزيا من جامعة السوربون و أول ست تحاضر فى السوربون ، و هى الشخص الوحيد اللى أخد
جايزة نوبل مرتين مره فى الفيزيا و مره فى الكيميا.
مارى كانت بنت مدرس فى وارسو فى
بولاندا اللى كانت وقتها جزء من الامبراطوريه الروسيه و اظهرت نبوغها و هى لسه
صغيره ، و اشتغلت عشان تساعد اسرتها ، لكن بالرغم من تميزها فى الدراسه
الجامعه ما قبلتهاش بسبب التفرقه الجنسيه و السياسيه ضد البولنديين وقتها
فإضطرت انها تكمل تعليمها عن طريق دروس سريه فى وارسو كانت اسمها " الجامعه
الطائره ".
حلم مارى كان انها تدرس فى
جامعة السوربون فى
باريس فراحت باريس و عملت امتحانات القبول و نجحت و درست هناك و كانت اول ست فى
تاريخ جامعة السوربون تاخد دبلوم فى الفيزيا. بدأت تعمل ابحاثها و تجاربها
على معادن بتحتوى على عناصر اليورانيوم و الثوريوم فإكتشفت ان فيه
معادنبتتميز بخواص نشاط الاشعاع اكتر من المتوقع و ده وصل لاكتشاف عنصر
كيماوى جديد اتسمى " بولونيوم " و بعدين اكتشفت عنصر كيماوى تانى ليه خواص
اشعاعيه كبيره إتسمى " راديوم ".
[تعديل] اكتشاف الراديوممارى كورى اكتشفت عنصر الراديوم سنة 1898 مع جوزها
بيير كورى لما لاحظت ان النشاط الاشعاعى اللى طالع من معدن اسمه
يورانينايت (Uraninite) اكبر بخمس مرات من اللى المفروض يطلع من عنصر
اليورانيوم او عنصر
البولونيوم لو ما كانش فيه غيرهم فى المعدن. بعد ابحاث و تجارب طويله قدرو يحضرو ملح
الراديوم كلوريد فى سنة 1902 .العلما احتاجو يعملو عمليات تنقيه لكزا طن من معدن
اليورانينايت عشان يتمكنو من تحضير عشر (10/1) جرام من الملح و على سنة
1910 ، مدام كورى و عالم تانى اسمه اندريه لويس ديبرين قدرو يفصلو لأول مره
فى التاريخ عنصر الراديوم لوحده.
[تعديل] جايزة نوبلمارى كورى اخدت جايزة نوبل مرتين.
مارى كورى و جوزها بيير اخدو جايزة نوبل فى الفيزيا سنة 1903 ، وبعد ما
اتوفى جوزها عرضت عليها جامعة السوربون انها تاخد مكان جوزها فى التدريس فى
الجامعه فكانت اول ست تدرس فى السوربون ، و استمرت تعمل ابحاثها على عناصر
البولونيوم و الراديوم ، و نجحت فى استخراج الراديوم سنة 1919 ، و فى سنة
1911 اخدت جايزة نوبل فى الكيميا بسبب توصلها لمستخرج نقى لعنصر الراديوم. و
بكده بقت هى الشخص الوحيد اللى أخد جايزة نوبل مرتين.