اهواك تدري ويش تعني لي اهواك

لا والذي سوى عيونك ... وسواك

___________ ما قلت ابيك الا وانـا فعـلا ابيـك

الحب في ابسط معانيك وان جـاك

___________ همه يقطع عرق عينـك ويعميـك

يدكنـي فـي تالـي الليـل دكـاك

___________ وإذا سألني عنـك قلبـي ازكيـك

اموت بك اعشق ترابـك وماطـاك

___________ وما لاح صبح إلا وانا انوح وابكيك

كني ملكت الكون إذا تضحك شفاك

___________ تفداك روح اللي على النفس يغليك

اهواك تدري ويش تعني لي اهواك

___________ اهـواك معناهـا انـا ميـتٍ فيـك

لو ربع ماجاني من الشوق قد جاك

___________ وربي الكريم ان ماتشيلك مواطيـك

ان قاله الله والهوى الشيـن وراك

___________ والله ترد في برد عشقـي وادفيـك

تدري أنا أكبر أمل عندي رضـاك

___________ خذ كل ماتبغي اذا شـرط يرضيـك

سبحان من كب البهاء فيك واعطاك

___________ عسى عيونٍ شافت الزين تخطيـك

ياحلو هم العشق ... ويازين بلواك

___________ وماصابني من غم عسـاه يخطيـك

قويت كل الناس وعجزت لا قـواك

___________ ياكثر ضعفـك بـس ياقـوةٍ فيـك

(( للشاعر عبدالكريم المهنا ))

لا والذي سوى عيونك ... وسواك

___________ ما قلت ابيك الا وانـا فعـلا ابيـك

الحب في ابسط معانيك وان جـاك

___________ همه يقطع عرق عينـك ويعميـك

كلام جميل
مشكور اخ مسعود

تشرفت بمرورك

اخي مسعود
لاادري مآذا اسطر لك من كلمآت يعجز آلقلم على آلآطرآء
ويعجز آلنبض عن آلتعبير بمآ كتبت
وبمآ طرحت احرف استمدت روعتهآ من روعة روحك ونبل مشآعرك
الصآدقه عزفت لنآ نغماً جميلاً فـ استمتعنآ مع هذا اللحن
دآم مدآد قلمك لك ارق التحايا

شكرا على الكلمات الرائعة التي تدفعني للامام