أحبك ..وما أبي غيرك ولو غيرك ترجاني ..

أحبـك ) قلتهـا بقلبـي .. وباحساسـي وبلسانـي =
كثير قلـوب ترجيهـا .. ولكـن لا يهمّونـك
أحبك ما أبي غيرك .. ولـو غيـرك ترجّانـي =
أنا شاريك ما بيعـك إذا غيـري يسومونـك

أموت اشتاق لك كلي .. أبيـك تـزور أعيانـي =
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي =
أحس اني أهم الناس لا من قلت : شلونـك ؟

ألوم النفس لا قلت : بكيت ومـا أحـد جانـي =
أنا وش عاد يضحكنـي اذا العالـم يبكّونـك ؟

إلى منّك تضايقت .. أنا المسـؤول والجانـي =
أنا المفروض ما أرضـى أخلّيهـم يزعلونـك

أحبك زود عن روحي عن اعمامي عن اخواني =
وباقي الناس يا عمري .. تـرى والله يفدونـك

عليم الله لا قلت : ( أحبك ) .. زالت احزانـي =
واذا قلت : ( أحبك موت ) صحت وقلت : مجنونك
غدير الحب في قلبك .. حنان ولهفـة اروانـي =
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري ويـن عنوانـي =
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني =
أغار من اصغر اخوانك ولا ودّي يشوفونك

منى عيني أضمّك لي وامســّــح ذيـك الاوجانـي =
ألاعب خصلة ٍ يمنى ويسرى تعتلي متونك

عيوني لو تطلبها .. لقيت الكـل .. هنّانـي =
ترى روحي مع عيوني مناهم بس .. يرضونك

أموت اشتاق لك كلي .. أبيـك تـزور أعيانـي =
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي =
أحس اني أهم الناس لا من قلت : شلونـك ؟

رائعة هي الكلمات المنسابة بين يديك

منى عيني أضمّك لي وامســّــح ذيـك الاوجانـي =
ألاعب خصلة ٍ يمنى ويسرى تعتلي متونك
تشرفت بمرورك

الله الله الله الله ماشاء الله على كلام الحلوه عنجد جميل رووووعة تسلم ايديك يا مسعود

» @إني أحبك والله أحبك@
» حبيب علي - اي احب غيرك
» ليس لي غيرك يعشقني ؟؟؟
» فلا تحرم غيرك منها ؟؟؟
» بيك و ما أبي غيرك على صدري تعال ونـــــام