وصلتني الرساله التاليه ارجو من الجميع المتابعه والرد والعمل بما فيها

يسعد أوقاتك بكل خير

من خلال تصفحي للمنتدى و أقسامه لاحظت شغلة
حبيت احكي عنها و أبدي رأيي فيها اذا سمحت
و قبل ما أبلش احب أنوه أنه هاد مجرد رأي لا أكثر
لا هو تدخل بصلاحياتكم ولا بقوانين المنتدى لا سمح الله
و رايي نابع من حرصي ع المنتدى لانه بجد يستحق يرتقي أكتر من هيك

لاحظت أنه مافي تحديد لعدد المواضيع الجديدة إلي يحق للعضو طرحها باليوم
و عليه فيه العضو يشارك بعشر مواضيع جديدة يمكن اكتر ؟
تاني شي لما أتصفح المواضيع التي لم يتم الرد عليها
بلاقي عدد هائل لم يتم الرد عليه
مع أنه في منن مواضيع جد قيمة

و من خلال هالنقطتين بقول أنه سبب اهمال الرد عن هالمواضيع
هو تركيز الأعضاء على طرح المواضيع اكثر من الردود
و هالشي بنظري يقلل من الافادة خاصة أنه المنتدى مدرج ضمن المنتديات الاجتماعية الثقافية المنوعة
و فق ما هو وارد بالعنوان
و منشان نحقق هالتواصل الاجتماعي و نعمم الثقافة الي هي ركيزة المنتدى
لابد من انه نوفي كل موضوع حقه، للأسف هالاهمال للردود خلى بعض المواضيع المتضمنة صور تتسكر
يعني فقدت جزء من قيمتها و البعض الآخر فقدت قيمتها كليا لأنه الموضوع كله صور و اتسكرت يعني صار بلا معنى

كمان بحب ضيف شغلة حول الردود و كانه الغالبية بدها بس ترفع من عدد مشاركاتها - أتمنى كون غلطانة - لأنه ردودها
من خلال ملاحظتي عبارة عن الاختصارات المرفقة مع مربع الكتابة، ونادرا ما نشوف ردود خارجة عن هالنطاق.

و فيما يخص الأعضاء الجدد لاحظت أنه أنت ما شاء الله اكثر شخص يحط مواضيع ترحيب
و للأسف أكثرها الردود عليها صفر و هالشي بنظري بيأثر
فطالما العضو سجل بالمنتدى إلا بيستاهل و حتى لو سجل منشان ينقل موضوع
بإيدينا نغير وجهة نظروا و نخليه يرجع و يشارك
لو شاف اهتمام فيه و شاف اهتمام الإدارة و الأعضاء بالترحيب فيه

باعرف طولت عليك و حكيت اكتر، و بقدر أنه وقتك مهم بس ملاحظات لاحظتها وحبيت انقلها لحضرتك
لانه صدقا و مثل ما حكيت بالأول منتدى صوران منتدى يستاهل يكون من المنتديات الرائدة لأنه التفاعل إلي فيه
تفتقر له منتديات كتيرة غيرو

أحلى التحايا و أرقاها لشخصكم الكريم
و السلام عليكم

هالشي انا ملاحظته
لاني ملاحظة انه الردود بس للمواضيع الجديدة
والمواضيع القديمة عم تنتسى
يعني يا ريت كل واحد فينا لو مرة او مرتين يفوت هون

استعراض المواضيع التي لم يتم الرد عليها

ويشوف الموضوع ويرد عليه
حتى في مواضيع يدوب فيها رد واحد
وانا حكيت عن هالشي في موضوعي
ما سبب ترك الاعضاء للمنتدى

يعني بصراحة الواحد بيتعب ليعمل الموضوع وصعبة ما يلاقي عليه ردود



شكرا للتنويه
وشكرا الك اخي مسعود ويا ريت كلنا نستفيد من هالشي

وفي كمان شغلة حابة احكي فيها اذا بيسمحلي الاستاذ مسعود
في هون بالمنتدى خاصية التعديل وهي متوفرة للجميع
لكن للأسف ما حد بيستعملها
يعني انا كتير بشوف مواضيع ما بقدر اقرأها من كتر ما الخط صغير
أو بتكون فيها روابط
وبصراحة اكتر وقتي بالمنتدى هون بيكون تعديل
مواضيع وبعض الردود
انا ما بحمل جميلة منيتي على حالي ومش قصدي اني قول اني تعبانة من هالشي
بس مش كل المواضيع بقدر شوفهم
فبتمنى مساعدتكم
لانه يلي بده يجي يشوف موضوع رح يختار الموضوع المنسق والحلو
ولو ما قدرتوا يا ريت تبعتولي رابط الموضوع وانا على استعداد اني انسقه

وشكرا

اولا الشكر كل الشكر لمراقبتنا الغاليه وانا اثني على كلامها فالكثير الكثير من المواضيع تكون فيها اغلاط كثيرة ونتعذب بتعديلها
نرجو من الجميع تعديل اي غلط يرد معهم وشكرا لهم

شكرا لكم

شكرا لك اخي مسعود على نقل رسالتي لابداء وجهة النظر حولها

كما لا يفوتني ان اشكر الأخت ترنيمة

على اضافتها المهمة والقيمة

تحياتي للجميع

دمتي ذخرا للمنتدى

نتقدم بالشكر لكل من يساهم فى الارتقاء بالمنتدى ونتمنى ان نجعل منه بيت لنا جميعا وليس مجرد مشاركات عابرة ---وشكرى الخاص للاخ مسعود--------والله الموفق