دكاترة آخر زمان

مرة
واحد كان ماشي بهالشارع وداس على قشرة موزة .. وراح فيها زق مرتب على ايده
.. فصار كوعه يوجعه .. راح لأقرب دكتور .. ولما دخل العيادة .. الممرضة
قالت له .. عايزين عينة من البول ..

هو استغرب وقال .. معقول .. شو دخل هي بهي ؟؟ .. مشان شو يعني ؟ أنا كوعي مخلوع .

الممرضة قالت : تسطفل .. هادا النظام .. اذا في عيّنة بول .. ممكن تدخل للدكتور .. ما في بول .. ما في دكتور ..

الزلمة ضرب اخماس بأسداس وانحرق حريشه .. وسلم امره لله .. وقال .. خلص مافي مشكلة ..

وبعد شوي طلع الدكتور مبتسم وقال : واضح انه الضربة قوية ..بس اطمن .. كوعك سليم مو مخلوع

المريض اتعقد وقال : طيب من وين عرفت انه كوعي هو اللي عم يوجعني ؟؟ أكيد الممرضة قالتلك..

الدكتور
: لا أبدا ... تحليل البول هو اللي بيّن كل شي ... أنا عندي جهاز جديد
لتحليل البول ... بينعرف منه كل شي عن حالتك الصحية ... خود هلأ هالمرهم
ادهن منه ... وبعد اسبوع راجعني ... ولا تنسى تجيب عينة البول معك ...

هادا
راح عالبيت محروق حريشه عالآخر .. وضاربه فيوزاته .. وحكى للعيلة عن اللي
صار .. وقعدوا يضحكوا على نصب الدكاترة هالأيام .. قال شو .. تحليل بول
بالكمبيوتر .. شوف على هالسلبة .. شوف ..

بعد
اسبوع كوعه خف تمام .. وقرر يروح للدكتور ... بس ابنه اقترح عليه يعمل
مقلب بهالدكتور مشان يكشف احتياله ونصبه.. حاجته يسلبها على خلق الله .. من
وين جايب هالنهفة .. تحليل بول بالكمبيوتر . قام الابن اخد عيّنة من بوله
على عيّنه من بول اخته على عيّنة من بول ابوه وحط عليهم شوية من زيت
السيارة وقال خلينا نشوف هالنصاب شو بدو يقول .

اخد
الاب هالخلطة العجيبة وراح للدكتور ... ووقت دخل عطاها للممرضة ... وقعد
ينتظر ... وبعد شي نص ساعة طلع الدكتور عرقان وماسك ورقة طويلة (نتيجة
التحليل) ..

قام سأله بطريقة ساخرة .. ها ها .. شو لقيت يادكتور بالتحليل ؟؟

الدكتور
: شوف .. هو واضح انه كوعك صار تمام .. بس في شوية نتائج غريبة .. ابنك
مدمن هيرويين .. وبنتك حامل .. ومحرك سيارتك لازمله تبديل جوان الكولاس

لك لك

:نانان:

[ندعوك للتسجيل في المنتدى أو التعريف بنفسك لمعاينة هذه الصورة]

شكراً لمروركم

» زمان الحب
» ايام زمان........................
» من هو ... ما اسمه .... وفي اي زمان سيأتي ....؟
» لكل زمان ملابس خاصه
» كان يا مكان قطة فضية بلا زمان