هذا عتب ذاتي علــى ذاتي

كئيبه ليلة البارح توآرت بإنكسآر اثنين
انا والقلب من غلطه ماهي من ضمن غلطاتي

عبث مني بدون اسباب تنزع مهجتي نصفين
وانا في عشقــــه حتى حرمت العين غفواتي

رجاء ترفع عني العتب كان الهدف حرفين
اذا ما تعرفه مو خطايه اسمع الاتي

على ذاك الطريق المنتمي للشك والتخمين
مشيت وياكثر ما بعثــرت فالناس نظرآتي

اناظر في الوجوه والملامــح طيب وبعدين
انا من وين الاقي لك طريــق يحث خطوآتي

اقول هناك لا يمكن هنــا يمكن هناك تبين
شعاع الضي واشــراق الامل وتلملم شتآتي

رسمتك حلم غايب عن حياتي من يجي عامين
لقيتك علم وايدينك تعــطر كل صفحاتي

وجيت انثر لك احسآسي وشوقي واحتراقي لين
تركتك في وضــوح تشوف حزني وانكساراتي

ابيك تحس في همي وتلمــس رعشة الكفين
ابيك تحس في وجـــدي عليك وجمر زفراتي

لاني كنت احسب الحظ مثل سهيل للسارين
سريت ولا لقيت سهيــــل في كل اتجاهاتي

لقيتك للأسف لاهي ولا تدري وصلت منين
وقسوة قلبــك اسقتني جفاك المجحف العاتي

فمان الله برحل والجروح تعانــق السكين
بســافر بالالم من شان ما ارضخ لاجل رغباتي

ابرحل عنك واترك لك حكايه داخل القوسين
تمتع بعدها باللي تطــــــــوله من معاناتي

مصير الشـــوق يعثى في حنايا مهجتك وتلين
بوقت فيه يا بعـــــدي عليك وصعب جياتي

انا يوم اشتكيت من الولــع ومن السهر والبين
ظننت انك تحس بثورة اوجاعـــــي ولوعاتي

اثاري الشـــوق ما يرحم ونار الصد عن نارين
كواني جمرها الحــــارق وانا في غمرة اسكاتي

عشان اني صبرت اتزيد جرحك في الحشا جرحين
وانا ما كنت اظــــن الصبر يخلف فيك هقواتي

ابصبر لين يشكي الصبر من صبري وبصــبر زين
و اروح بعيــــد وادفن صرخة احزاني وآهاتي

على الله والجــروح اللي بقلبي عن ثلاث سنين
عســــى ربي يخفف نزفهـــا وتجف دمعاتي

ولكن لو تلاقينـــــا وخانتني دموع العين
ترى ماهو بكـــا هذا عتب ذاتي علــى ذاتي

اثاري "الشـــوق " ما
يرحم ونار الصد عن نارين
كواني جمرها
الحــــارق وانا في غمرة اسكاتي
ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي

مرور رقيق
يسعدني دائما

» حصل على براءة اختراع من معهد كوستن بواشنطن.. حداد سوري يبتكر قطارات تعمل بقوة دفع ذاتي وفي مختلف التضاريس